Naša misija

WordPress je softwara za kóždeho, kotraž wažnosć na bjezbarjernosć, wukon, wěstotu a lochke wužiwanje kładźe. Wěrimy, zo wulkotna softwara měła z minimalnej konfiguraciju fungować, tak zo móžeće so na to koncentrować, swoju stawiznu, produkt abo słužby dźělić. Zakładna software WordPress je jednora a přewidźomna, zmóžnja tuž lochki start. Skići tež wukonliwe funkcije za róst a wuspěch.

Wěrimy do demokratizowanja publikowanja a swobodow, kotrež z wotewrjenym žórłom přińdu. Tuta ideja so wot wulkeho zhroamdźenstwa ludźi podpěruje, kotřiž zhromadnje dźěłaja a k tutomu projektej přinošuja. Zhromadźenstwo WordPress je hospodliwe a wotewrjene. Zahoritosć našich sobuskutkowarjow wuspěch WordPress doprědka ćěri, štož zaso wam pomha, waše cile docpěć.

Sobuskutkowarjo WordPress dźěłaja dokoławokoło globusa a su njeličomne hodźiny nastroj wuwili, kotryž publikowanje demokratizuje. WordPress je softwara wotewrjeneho žórła, kotraž je swobodna a darmotna.

Naša stawizna

Stawizny WordPress sp w lěće 2003 započa, hdyž Mike Little a Matt Mullenweg wotšćěpjenje wot b2/cafelog wutworištej. Potrjeba za elegeantnym, derje přemyslenym systemom za wosobinske publikowanje hižo tehdy eksistowaše. WordPress so na zakładźe PHP a MySQL wuwiwa a podleži licency GPLv2. Je tež platforma wólby za wjace hač 35 % wšěch sydłow we webje.

Projekt wotewrjeneho žórła WordPress je so poněčim na progresiwnje wašnje dale wuwiwał, podpěrany wot nazhonjenych, entuziastiskich wuwiwarjow, designerow, wědomostnikow, blogowarjow a dalšich. WordPress kóždemu móžnosć skići, něšto wutworić a dźělić, wot ručnodźěłanych wosobinskich anekdotow do swět měnjacych hibanjow. Ludźo z wobmjezowanym nazhonjenjom móža jón „direktnje“ wužiwać a nazhonjeni ludźo móža jón na kedźbyhódne wašnje přiměrić.

Wustawa

WordPress podleži licency General Public License (GPLv2 abo pozdźiša), kotraž skići štyri hłowne swobody. Wobhladujće to jako wustawu WordPress: